Энэ удаа та бүхэндээ Монголын
ахмадын төв буюу геронтологийн төвийн талаар товч мэдээлэл өгөхийг зорилоо. Энэ төвийн талаар ахмадууд мэдээлэл муу байдгаас тус төвөөс ахмадуудад үзүүлэх эрүүл мэндийн тусламж үйлчилгээнд хамрагдаж чадахгүй байх нь цөөнгүй байгаа тул доорх мэдээллийг танд хүргэж байна.
Монгол Улсын Засгийн газрын 2005 оны 09 дүгээр сарын 29-ны өдрийн 209 тоот тогтоолоор “Геронтологийн төв” нь бие даасан статустайгаар байгуулагдсан.
Монгол Улсын Засгийн газрын 2008 оны 12 дугаар сарын 24-ний өдрийн хурлын 80 дугаар тэмдэглэл, Эрүүл Мэндийн Сайдын 2009 оны 03 дугаар сарын 13-ны өдрийн 83 тоот тушаалаар Геронтологи гериатрын төрөлжсөн нарийн мэргэжлийн тусламж үйлчилгээг Монгол Улсын хэмжээнд үзүүлэхээр өргөжин ажиллаж байна.
Өнөөгийн байдлаар Геронтологийн төв нь 3 зөвлөх, 14 эмнэлгийн мэргэжилтэн, 6 туслах ажилтантай үйл ажиллагаагаа явуулж байна.
Уг төв нь 55 ба түүнээс дээш насны эмэгтэй, 65 ба түүнээс дээш насны эрэгтэйчүүдэд үнэ төлбөргүй үзлэг, шинжилгээ, оношлогоо, эмчилгээ хийдэг. Манай өрхийн эрүүл мэндийн төв нь Монгол улсын засгийн газрын 2009 оны 5 дугаар сарын 27-ны өдрийн 156-р тогтоолоор батлагдсан “Монгол Улсын хүн амын насжилтын асуудлаархи Үндэсний стратеги” хөтөлбөрийн хүрээнд геронтологийн төвтэй хамтран ажилладаг. www.gerontology.moh.mn холбоосоор орж тус төвийн талаарх дэлгэрэнгүй мэдээллийг авна уу.
Геронтологийн төвийн байршил: Бидний мэддэгээр 100 айлын замын уулзвар, Барилгын материалын Жоби төвийн эсрэг талд буюу СБДүүргийн эрүүл мэндийн нэгдлийн зүүн талд байрладаг.
No comments:
Post a Comment