Нурууны архаг өвдөлтөд зориулсан дасгалууд

      Хэрэв таны бүсэлхий нуруу орчим удаан хугацаагаар өвддөг, тэр тусмаа дамжилт доош гуяруугаа нэг судал даган өвддөг бол дараах дасгалууд таньд тус болно. Эдгээр дасгалуудыг хийж байхдаа дараах зүйлсийг байнга санах хэрэгтэй.
∗ Аажим амьсгал, амьсгалаа хамраараа авч, амаараа гаргана.
∗ Аажмаар тоогоо нэмэгдүүл, анх эхлэхдээ дасгал бүрийг өдөрт нэг хийж байгаад цаашдаа нэмэгдүүлэн өдөрт нэг дасгалыг 10 болгоно.
∗ Дасгалаа зөөлөн аажим хий, хэт огцом гэнэт хийх болохгүй. Бага зэргийн өвдөлт мэдрэгдэж болно. Харин хүчтэй өвдвөл дасгалыг зогсоох шаардлагатай.

Нуруугаар шахах

Дээш харан, хоёр гараа цээж эсвэл гэдсэн дээрээ тавьж, хөлөө нугалан хэвтэнэ. Хэвлийн булчин, өгзөгний булчингаа чангалан бүсэлхий нурууорчмоо газарт шахана. 10 тоонд булчингаа чангалан барьж, нуруугаа газарт шахсаны дараа зөөлөн суллаж амрана.

Өвдгөө   нугарах
Дээш харан, өвдгөө нугалан хэвтэнэ. Зөөлнөөр нэг хөлөө өвдгөөр нь нугалан 2 гарааг дэмжин цээжрүүгээ шахаж өгнө. Аажим буулгана. Нөгөө хөлөө ээлжлэн адил байдлаар хийн. Дараа нь 2 хөлөө хамтад нь нугална.

 

Өвдгөөр нугалан суух
Түшлэгтэй сандлаас бага зэрэг тулан зогсоно. Нуруугаар цэх,эгц зогсоно. Аажим аажим өвдгөөрөө нугалан доош сууснаар явган суух байрлалд очно. Буцаад аажмаар дээшилж эхний байрлалдаа ирнэ.

Цээжээр нугарах
Дээш харан, өвдгөөр хагас нугалан, хөлийн улаа газарт наан хэвтэнэ. Хоёр гараа цээжиндээ зөрүүлэн байрлуулна. Толгой мөрийг дээш өндийлгөн, газраас хөндийрүүлж, 2 тоолох хугацаанд барина. 10 удаа давтан хийнэ. Дасгалаа хийх явцдаа амрах шаардлагатай бол амрахыг зөвлөж байна.